Ana dhe Blerimi realizon së fundmi një takim prej nga ku lindën debate të shumta.
Ndër të tjera gjatë takimit të tyre kur Ana e pyeti Blerimin se si i dukej si kamariere, ky i fundit i tha: “Meriton më shumë, të shoh më lart.”
Kjo deklaratë e tij nxiti diskutime edhe në studio mes konkurrentëve dhe opinionistit, pasi deklarata e Blerimit u pa si e pavend.
Duke dashur të vërtetojë të kundërtën, Ana rrëfeu edhe vështirësitë që ka kaluar dikur, duke bërë edhe tre punë.
Ajo tha se ka kaluar një fëmijëri të vështirë, ku ka bërë shumë punë të ndryshme, teksa u përlot. 24-vjeçarja rrëfeu se edhe pse një fëmijë tepër e vogël, trokiste në dyert e shtëpive, duke kërkuar punë si pastruese.
Ajo u shpreh se nga punët që bënte dikur, ka arritur diçka modeste në jetë, por është krenare për punët që ka bërë dhe gjithçka që ka arritur.
“Vetë personalisht si Ana i kam bërë llojet e punëve, e kam nisur nga shitëse në butik, duke shituar lakra në treg, që në 8 vjeç. Sot kam makinën time, kam një dyqan modest, i kam bërë të gjitha llojet e punëve. Unë i mbështes fort ata që punojnë. Kam punuar dy në tre punë, kam bërë dhe rolin e pastrueses. Trokisja në dyer dhe thoja që a keni nevojë për pastruese, nuk është turp të bësh punë të ndershme. Puna është nder, rëndësi ka të jesh e fortë për veten. Mendoja që ecja para, por bëja arritje, isha Ana e vogël. Unë falë atij dola nga gropa që isha futur”.
Nga rrëfimi i saj është emocionuar edhe Fatjoni, i cili është çuar dhe e ka përqafuar, duke shkrirë akullin mes tyre.
Me kërkesë të Borës, të dy do ballafaqohen ditën e nesërme, ku pritet të sqarojnë të gjitha keqkuptimet.
