Në shtator të këtij viti një ngjarje e rëndë bëri xhiron e rrjetit, duke lënë zemërthyer shumë persona.
“Animal Rescue Albania” publikoi pamje të rënda të një qytetari që tërhiqte zvarrë pas makinës një qen.
View this post on Instagram
Pas kësaj ngjarjeje të rëndë, shoferi i makinës u identifikua nga policia dhe u shoqërua në komisariat, ndërsa ndërroi jetë disa ditë më vonë.
Kjo ngjarje makabre është përsëritur sërish sot në qytetin e Durrësit, ndërsa pamjet janë publikuar nga “joq-albania.com”.
Shoferi i automjetit të tipit “Benz” me targa AC 179 T është fotografuar duke tërhequr zvarrë qenin të cilin e kishte lidhur në pjesën e pasme të makinës.
Kjo është hera e dytë në pak muaj që përsëritet një ngjarje kaq e tmerrshme në Durrës, ndërkohë që në media ishin harruar pamjet e trishta të keqtrajtimit të kafshës së gjorë në muajin shtator.
Ne shtrojmë me ngulm edhe njëherë çështjen e keqtrajtimit të kafshëve, e cila nuk tregon gjë tjetër veçse një shuarje të njerëzimit dhe mungesë të ligjeve që dënojnë të tilla krime.
Në ligjin për mbrojtjen e kafshëve, thuhet se “Cilido që, i motivuar nga ligësia apo pa arsye vret një kafshë, dënohet me burgim nga gjashtë muaj deri në dy vite”!
Shpresojmë që drejtësia të vihet në vend!
