Vesa Luma dhe Big Basta kanë vite që janë shpërngulur në Zelandën e Re, së bashku me djalin e tyre Lianin. Çifti i njohur kanë treguar se ky ka qenë vendimi më i mirë që kanë marrë, sidomos për të ardhmen e djalit. Madje Vesa ka zbuluar së fundmi se ata ndihen njësojs si në shtëpinë e tyre dhe se madje Lianin e inkurajojnë në kopësht të flasë shqip.
Ajo ka treguar se mësueset e kopshtit e përshëndesin në shqip Lianin sa herë që hyn brenda dhe në po të njëjtën mënyrë edhe në një përmbledhje që ato kanë shkruar për vogëlushin.
“E adhuroj mënyrën se si fëmijët inkurajohen të flasin gjuhën e nënës. Çdo ditë që Liani hyn në kopësht, të gjitha mësueset e përshëndesin në shqip”, ka shkruar Vesa.
Edhe vetë ata kanë bërë çmos që Liani të mos e harrojë shqipen, duke i folur gjatë gjithë kohës në gjuhën amtare. Madje këngëtarja ka publikuar herë pas here video të djalit të saj duke folur shqip, për të dëshmuar se ata do të jenë gjithmonë krenar për origjinën e tyre kudo që të jenë.
