Grupi i njohur “Metallica” do të publikojë një album të ri në 18 nëntor të këtij viti. Ky do të jetë albumi i parë i grupit të famshëm amerikan pas tetë vitesh.
“Hardwired … To Self-Destruct” do të përmbajë 80 minuta muzikë dhe gjithashtu është titulli i këngës së parë të këtij albumi, që u publikua me videoklipin shoqërues në “Youtube” mbrëmjen e së enjtes.
Albumi do të jetë i njëmbëdhjeti për “Metallica”, që përbëhet nga vokalisti-kitarist James Hetfield, bateristi Lars Ulrich, kitaristi Kirk Hammett dhe basisti Robert Trujillo.
Albumi i fundit i Metallica është “Death Magnetic”, i publikuar në vitin 2008.
Burimi: Daily Mail
