Komiteti Teknik i Ekspertëve ka vendosur 3 masa të reja për parandalimin e përhapjes së mëtejshme të Covid-19 në vend. Përfaqësuesja e komitetit, Albana Fico, ka deklaruar se duke parë situatën është parë e nevojshme që të merren masa shtesë nga ekspertët.
3 masat e reja anti-Covid janë si më poshtë:
1.Ndalohen grumbullimet me më shumë se 10 persona në vende të hapura dhe të mbyllura.
2.Ndalohen mbledhjet partiake dhe tubimet.
3.Konferencat, ceremonitë e festave, ceremonitë martesore dhe organizimet përtej familjare të ceremonive mortore, deri në një urdhër të dytë.
Mirëpo, në një kohë kur situata po bëhet gjithnjë e më alarmante, çfarë do ndodhë me masat e mëtejshme dhe a rrezikojmë një mbyllje kombëtare?
Shefja e departamentit të sëmundjeve infektive pranë ISHP-së, Silva Bino është shprehur mbrëmjen e sotme teksa ishte e ftuar në “Open” se nëse shifrat e të infektuarve me Covid-19 nuk do të ulen, vendi do të shkojë drejt një mbylljeje të dytë.
Megjithatë, më tej ajo shtoi se “kyçi” është distanca fizike.
PJESË NGA INTERVISTA:
Pyetje: Skenari nëse shifrat nuk ulen?
Silva Bino: Masa me intensitet të lartë ndalimi. Kjo sëmundje është e thjeshtë në lidhje me këtë gjë. Njerëzit presin më shumë por kur nuk kemi akoma vaksinën. Masat janë ato të distancimit fizik. Skenari është bllokimi i plotë.
