Para pak ditësh “Prive” zbuloi se ish-mikja e ngushtë e Kim Kardashian, Larsa Pippen, është në lidhje dashurie me futbollistin me origjinë shqiptare, Liridon Krasniqi. Futbollisti dhe Larsa kanë shkëmbyer disa komente në Instagram duke përforcuar akoma më shumë dyshimet për lidhjen e tyre.
Madje në një selfie të postuar në tetor, Larsa ka shkruar në mbishkrimin e fotos “Ta ha zemrën!”.
Mirëpo duket se Pippen po kalon një periudhë tejet të vështirë për shkak të infektimit me Covid-19.
Në 13 nëntor Larsa bëri një story në Instagram, për të treguar se ishte prekur nga koronavirusi, por u pendua dhe më vonë e fshiu deklaratën. “Po luftoj me koronavirusin prej 1 jave. Nuk është shaka, nuk kam ndjerë kurrë një dhimbje të tillë”, shkroi Larsa në postimin e saj.
Por është mësuar se gjendja e saj shëndetësore është rënduar, sepse ajo ka pasur probleme me frymëmarrjen. “Po ajo po lufton prej një jave. Ka pasur dhimbje të shumta trupi dhe probleme me frymëmarrjen. Kemi marrë një doktor një shtëpi që të kujdeset për të”, kanë thënë disa përfaqësues të Larsas.
Ndërkohë së fundmi L:arsa ka shfrytëzuar izolimin për të komunikuar virtualisht me ndjekësit e saj. Kur është pyetur se kë do të zgjidhte mes Ronaldos dhe Messit, ajo ka bërë tag Liridon Kraniqin, duke treguar se është mbështetësja më e madhe e tij.
