Fifi është padyshim një nga këngëtaret më të mira në industrinë e muzikës shqiptare që ka ditur gjithmonë si të vjedhë zemrat e publikut, sidomos me baladat e saj të famshme.
Edhe kësaj here, këngëtarja ka sjellë një baladë dashurie që na goditi drejt e në zemër që me dëgjimin e parë.
“Ninullë dashnie” titullohet kënga që ndodhet në Spotify tashmë, teksa ende nuk është publikuar në You Tube, por me siguri do të kthehet në të preferuarën tonë.
Në këtë baladë, siç ndodh zakonisht, Fifi i këndon dashurisë, ku ndër të tjera ndër vargje thotë:
Ahh, dashuri, dashuri ça më bone ti!
Ndërkohë në fillim të vjeshtës solli një tjetër bashkëpunim. Këtë herë ajo bashkoi forcat me kushëririn e saj Ermal Fejzullahu për të sjell super këngën “Përjetësi”.
Videoklipi i kësaj kënge ka një histori tepër interesante të një çifti të dashuruar dhe menjëherë pas publikimit, kënga ka marrë miliona klikime në Youtube.
Por, Fifi s’ka ndërmend të heqë dorë nga duetet. Së shpejti ajo do publikojë një këngë me reperin e njohur Bardhi, i cili bëri namin me këngën “Betohemi”.
Vetëm disa ditë më parë, Bardhi publikoi këngën e re “Interes”, që po pëlqehet shumë nga publiku.
