Një ngjarje e rëndë ka ndodhur pasditen e sotme në kryeqytet, ku një person është djegur, duke humbur jetën si pasojë e plagëve të rënda.
Konkretisht ngjarja ka ndodhur poshtë urës që lidh dy akset rrugore pranë ndërtesës së Ministrisë së Jashtme, tek bulevardi “Zhan D’ark’.
Nuk dihet ende identiteti i viktimës, por dyshohet se bëhet fjalë për një endacak. Në njoftimin për shtyp, Policia e Shtetit shkruan se motivet e ngjarjes mbeten të paqarta.
Grupi hetimor ndodhet në vendngjarje dhe po punon për identifikimin dhe sqarimin e rrethanave të ngjarjes.
Tiranë/Informacion paraprak
Me datë 12.11.2020, rreth orës 18:18, tek bulevardi “Zhan D’ark’, një person ende i paidentifikuar, dyshohet se nga pakujdesia, ka marrë flakë edhe për pasojë ka ndërruar jetë.
Grupi hetimor ndodhet në vendngjarje dhe po punon për identifikimin dhe sqarimin e rrethanave të ngjarjes.
