Panairi i Librit ka çelur siparin ditën e sotme në kushte krejtësisht të jashtëzakonshme. Ndryshe nga vitet e tjera që Pallati i Kongreseve gumëzhinte nga zhurmat e njerëzve, këtë herë është i qetë, duke qenë se edicioni i 23-të i Panairit mbahet online.
Kushdo nga lexuesit që dëshiron të blejë një libër duhet të shkarkojë aplikacionin “Panairi i Librit” dhe të bëjë prosinë online.
Në këtë ditë duket se Arbana është bërë nostalgjike dhe gjithë emocionet e saj i ka ndarë me ndjekësit në rrjetet sociale.
Ajo ka postuar një video në Instagram, ku shihen momentet më të bukura që ajo ka kaluar me fansat gjatë “Panairit të Librit 2019”, duke shkruar se e ka marrë malli të përqafohet me fansat e saj, gjë e cila pamundësohet nga pandemia.
Megjithatë, edhe këtë vit Arbana është pjesë e Panairit me të njëjtin libër.
Nuk e di nese e kane fajin hormonet apo fakti qe na ka marre kaq shume malli te perqafohemi?, por teksa po rishihja keto momente nga Panairi i Librit nje vit me pare, u perlota?. Te takoja mijera prej jush cdo dite, per 5 dite rresht ka qene nje nga pervojat me te bukura te jetes sime per te cilen do ju jem mirenjohese gjithmone. Sot, ne pamundesi per t’ju takuar ashtu si vjet, kam para vetes nje mal me libra “Receta per 5 minuta” gati per ti nenshkruar (yes, me autograf❤️) per te gjithe ata qe i kane porositur virtualisht ne aplikacionin “Panairi i Librit” qe media ku une punoj, Top Channel, ka krijuar per t’ju ardhur ne ndihme dashamiresve te librit. Detajet ne lidhje me kete app i gjeni ne stories❤️
“Receta për 5 minuta” bëri namin vitin e kaluar, duke u renditur si një prej librave më të shitur të Panairit. Ky ishte libri i dytë i Arbanës me receta gatimi sepse në 2013 ajo botoi “Receta për njerëzit që dua”.
