Të dielën që lamë pas, aktori i mirënjohur i kinematografisë shqiptare, Koço Devole, mbyli sytë përgjithmonë në moshën 75-vjeçare.
Ai po luftonte prej 18 ditësh me virusin Covid-19, ndërsa gjendja e tij u përkeqësua së fundmi, ndaj Devole u fut në intubim.
Aktori u shtrua fillimisht në spital si i infektuar me Covid, por pasi tamponi i doli negativ, u shtrua sërish në spital për shkak të rëndimit nga leuçemia.
Devoli s’mundi ta përballonte dot leuçeminë dhe virusin njëkohësisht, ndaj fatkeqësisht u nda nga jeta duke lënë pas një hidhërim të madh.
Figura të njohura të politikës, kinematografisë e fushave të tjera shprehën ngushëllimet e sinqerta për familjen e aktorit, ndërsa miku i tij i ngushtë prej vitesh, Mitro Cela, ka treguar një fragment me Devolen.
Ai ka shkruar për një moment të rëndë në jetën e Koços, kur mësoi se kishte leuçemi dhe as në këtë ditë të vështirë nuk e la pas humorin.
Kohë më parë Koçoja u shtrua në spital. Nga spitali – drekë tek “Tajvani”.
-Filip! Doktorët më fjalë zëmre më thanë: ke leuçemi. Të kanë mbetur tre ose katër vite jetë!
-Koço! Mjekë janë këta?! Nuk e ndajnë dot? Fikse si ta bëjë planin e shpenzimeve?!
-Do ta rregullojmë. Do shkoj në Amerikë…Iku. Erdhi. Buzëgaz na tha:
-Mjekët amerikanë më dhanë ymër: tre vjet!
-Kjo po! Tani dëgjo Koço,-tha Filipi.- Shpenzimet e varrimit. Drekën. Transportin. Më the të thashë :-i ka Fiksi!
-Po të 40-tat?! Mua mi latë?!
