Gjatë valës së parë të pandemisë Italia ishte një nga shtetet më të prekura nga Covid-19. Ashtu si në pjesën tjetër të botës situata gjatë verës u përmirësua, por tashmë duket sërish kritike.
Përtej Adriatikut së fundmi janë regjistruar 32,616 raste të reja dhe 331 vdekje. Që prej fillimit të pandemisë deri më tani në Itali janë regjistraur 935,104 të infektaur dhe 41,394 viktima, ndërsa në gjendje të rëndë për jetën janë 2,749 pacientë.
Në këto kushte, shoqata italiane e mjekëve dhe kirurgëve ka bërë thirrje për një bllokim kombëtar.
Edhe eksperti i shëndetësisë, Massimo Galli, ka mbështetur thirrjet për një bllokim të dytë kombëtar,duke u shprehur se situata ka dalë jashtë kontrollit dhe mbyllja e vendit është e nevojshme.
“Kam frikë se nuk ka dyshim se situata është kryesisht jashtë kontrollit. Ne duhet të organizohemi … përndryshe pandemia do të marrë qindra jetë njerëzish.”– tha ai.
Kujtojmë se Italia ka marrë masa të rrepta pak javë më parë, të cilat mund t’i lexoni KËTU.
