Marina Vjollca kishte zgjedhur që këtë të shtunë të shfaqej në ekran me një bluzë të shkurtër të mbushur me temina dhe një fund të gjatë. Mirëpo në moment të fundit asaj i është dashur të ndryshojë gjithë veshjen për shkak të një problemi, që vetëm njerëzit e ekranit mund ta kuptojnë.
Ajo ka treguar se gjithë veshjen e ka ndërruar për një fustan të bardhë për shkak se bluza e shkurtër i shkëlqente më shumë seç duhej në ekran.
“Si përfundim më duhej të ndërroja veshjen në moment të fundit për shkak të reflektimit të bluzës në ekran”, ka shkruar Marina përkrah disa fotove ku shfaqet me fustanin e bardhë.
Ndërkohë sot moderatorja i ka surprizuar të gjithë me një ndryshim në pamjen e saj. Marina u shfaq në disa foto me flokë të prerë me baluke dhe dukej shumë më ndryshe nga më parë. Një model i ri i ka dhënë një pamje tjetër, të cilën fansat e saj e kanë pritur mjaft mirë. Komentet pozitive nuk kanë munguar për moderatoren dhe të gjithë shprehen se ajo duket bukur në çdo lloj forme.
