Numërimi i votave në SHBA po shkon drejt fundit. Duket se Joe Biden do e konkretizojë fitoren e tij duke marrë dy fushëbeteja në këto zgjedhje, Georgia dhe Pensilvani.
Në Georgia Biden tashmë kryeson me një diferencë të vogël, kurse në Pensilvani kandidati për President është vetëm 18 mijë vota larg Trump.
Ky i fundit orë më parë shpalli fitoren ligjore në Pensilvani, por numërimi aty vijon pasi kanë mbetur edhe 3% të votave pa numëruar.
Biden-it i mjafton Nevada dhe Pensilvania ose Georgia për të fituar zgjedhjet teksa duket shumë afër, vetëm 6 vota elektorale larg fitores.
Aktualisht Biden ka 264 mandate elektorale nga 270 që i duhen në total për të fituar dhe për tu shpallur Presidenti i 46-të i SHBA-ve, ndërsa Trump ka 214 mandate elektorale.
Ndërkohë, shërbimi sekret në Amerikë ka dërguar agjentë shtesë në mbrojtje të kandidatit për president Joe Biden. Lajmi është bërë i ditur nga mediat ndërkombëtare të cilat shprehen se Biden mund të mbajë një fjalim madhështor sot në kongresin Wilmington.
Shkak për këtë siguri të shtuar janë edhe deklaratat e Presidentit Trump që nuk do të njoh rezultatin e zgjedhjeve.
