Gazetari veteran i Lindjes së Mesme, Robert Fisk, ka ndërruar jetë në moshën 74 vjeçare, si pasojë e një infarkti.
Fisk ishte i njohur si një prej gazetarëve më të famshëm të kohës së tij. Ai i ishte shtruar në spitalin e Shën Vincent në Dublin, ku dhe ndërroi jetë.
Gazetari Fisk ka fituar shumë çmime, në lidhje me raportimin e tij mbi Lindjen e Mesme, duke filluar nga vitet 1970.
Ai mbuloi luftërat në Ballkan, Lindjen e Mesme dhe Afrikën e Veriut për gazetat e Britanisë së Madhe gjatë pesë dekadave, si dhe u përshkrua nga New York Times në 2005, si “korrespondenti i huaj më i famshëm në Britani”.
Gazetari veteran Robert Fisk, kujtohet edhe për guximin dhe si gazetari i vetëm që intervistoi tre herë gjatë karrierës së tij Osama bin Laden, të cilin e përshkroi atë si një “njeri të ndrojtur”.
Ai e filloi karrierën e tij në Sunday Express dhe më pas u transferua në Belfast në 1972 për të mbuluar problemet si korrespondent i Irlandës së Veriut për Times. Ai u bë korrespondent i gazetës në Lindjen e Mesme në 1976.
Me qendër në Bejrut, ai raportoi për luftën civile në Liban, si dhe Revolucionin Iranian në 1979, luftën Sovjetike në Afganistan dhe Luftën Iran-Irak.
Ai dha dorëheqjen nga Times në 1989 pas një mosmarrëveshje me pronarin Rupert Murdoch dhe u transferua në Independent, ku punoi për pjesën e mbetur të karrierës së tij./Iconstyle.al/
