Ditën e djeshme Loredana dhe Mozzik u fotografuan në shoqërinë e njëri-tjetrit në një hotel me emër në Kosovë. Ata shiheshin mjaft të afërt me njëri-tjetrin, ku Mozzik ndodhej i ulur kurse Loredana po i thoshte diçka.
Duket se Mozzik ka qenë personi i parë që Loredana ka takuar me rikthimin në Kosovë dhe nuk është ndarë në asnjë moment prej tij. Dyshja janë parë sërish në shoqërinë e njëri-tjetrit dhe këtë herë ka qenë “N’Zoom” që ka siguruar disa foto të tyre. Ata janë “kapur mat” duke dalë bashkë nga një hotel dhe shihen duke biseduar me njëri-tjetrin.
Ndërkohë në foto bie në sy se Mozzik ka veshur të njëjtin jelek me të cilin Loredana është shfaqur dy ditë më parë në rrjete sociale.
Këto foto vijnë sërish si dëshmi se dyshja janë rikthyer në krahët e njëri-tjetrit dhe tashmë po shijojnë në maksimum çdo moment bashkë.
Kjo nuk është hera e parë që ata shfaqen bashkë dhe veshin rrobat e nëjri-tjetrit. Më herët Loredana dhe Mozzik janë fotografuar duke bërë shopping në Gjermani dhe para pak javësh u panë sërish në Kosovë.
Deri më tani as njëri e as tjetri nuk e kanë pranuar ribashkimin, por Loredana u shpreh para pak ditësh gjatë një videoje live në Tik Tok: “Mozzik është më i miri. Para se të realizoja videon ‘live’ fola me të.”
