Me një buqetë gjigante me trëndafila të kuq në formë zemre dhe shkronjën “F” të formuar me trëndafila të bardhë si dhe me një unazë të bukur diamanti, Fisnik Syla i propozoi për martesë Fjolla Morinës.
Ajo i tha “PO” këtij propozimi, duke zyrtarizuar kështu lidhjen e saj dhe duke dhënë lajmin e bukur se po i jep fund beqarisë.
Tashmë, Fjolla dhe Fisniku po bashkëjetojnë dhe ai e mbulon çdo ditë me dhurata romantike, ndërsa këngëtarja gjeti rastin të na tregojë unazat me gurë të çmuar në duart e saj.
Ajo dhe Fisniku po martohen, ndaj përgatitjet për dasmën kanë nisur që tani.
Shumë shpejt, këngëtaren do ta shohim nuse me fustanin e bardhë dhe këtë e ka zbuluar ajo vetë në një InstaStory, teksa shfaqet pranë stilistit të njohur.
“Duke gjetur ide për dasmën”- shkruan Fjolla krahas videos duke na bërë kuriozë për datën e ceremonisë së tyre, e cila s’duhet të jetë larg.
Ditën e djeshme ka përfunduar hetimi për këngëtaren, ndërsa “Dosja.al” bën me dije se dosja për të do të kalojë në gjykim pas mbledhjes të së gjitha provave. Ndërsa sa i përket dy personave të tjerë që ndodheshin në makinë me të, bisnesmenit Fisnik Syla dhe shoferit Fitim Muji, Prokuroria ka vendosur që të pushojë çështjen pasi nuk ka gjetur vepër penale të kryer nga ta.
Këngëtarja u arrestua më 18 shtator në pikën kufitare të Morinës, pasi u kap me dy armë me vete. Kujtojmë që këngëtarja po udhëtonte me një makinë tip ‘Audi’ ndërsa i është gjetur një armë në çantë dhe një në bagazh.
