Khloe Kardashian nuk i ka shpëtuar koronavirusit dhe duket se ajo nuk ka qenë në gjendje aspak të mirë shëndetësore. Ky lajm është konfirmuar ekskluzisvisht për “E! News” dhe thuhet se Khloe është infektuar në fillim të këtij viti.
Në një video shfaqen Kim dhe Kris të shqetësuara për shëndetin e Khloe dhe ato shprehen të bindura se ajo është infektuar për shkak të gjendjes jo të mirë. Më pas Khloe zbulon me një video të regjistruar vetë se pas testit ka rezultuar pozitive me Covid-19.
“Sapo zbulova se kam korona. Kam qëndruar në dhomën time. Do të jem mirë, por për disa ditë kam qenë shumë keq”, shprehet ajo me zë të ngjirur.
Khloe ka zbuluar edhe simptomat e saj duke përfshirë të vjellat, kollitje, dridhje si dhe dhimbje koke, duke shtuar se ishte ndryshe nga migrena e saj e zakonshme.
Në fund ajo shprehet: “Më lejoni t’ju them se kjo gjë është e vërtetë. Por të gjithë do e kalojmë. Zoti ju bekoftë të gjithëve!”.
