Identifikohen fëmijët që u riatdhesuan nga Siria. Të shpëtuarit nga kampi Al Hol janë Floresha Rasha me fëmijët e saj Amar Rasha, Emel Rasha dhe Hatixhe Rasha si edhe Endri Dumani. Lajmin e bën të Gjysmëhëna e Kuqe e Sirisë, e cila ka shpërndarë edhe pamje nga operacioni e shpëtimit.
Mes të shpëtuarve është Endri Dumani, 11-vjeçari nga Dibra i cili kishte në këtë kamp 6 vite, e ndërsa motra e tij Eva, sipas ka refuzuar që të dalë, për motive ende të paqarta. Dyshohet se ajo është fshehur në momentin që trupat shqiptare kanë mbërritur në kamp, dhe nisur nga koha e kufizuar që kanë pasur, është bërë e pamundur shpëtimi i saj. Babai i tyre është vrarë në luftime, ndërsa gjyshja që kujdesej për fëmijët vdiq në kamp.
Ky operacion mësohet se ka zgjatur për plot 45 ditë. Referuar burimeve, duhet të ishte mbyllur dy javë më parë, por pati komplikime, për pasojë u shty në kohë. Dy prej fëmijëve të shpëtuar mësohet se kanë lindur në Siri, ndërsa gruaja e cila ndodhet në karrocë me rrota, Floresha Rasha ka mbetur e plagosur gjatë kohës që ka qëndruar në kamp. /GazetaReforma.com/
