Aktori shumë i njohur për publikun shqiptar nga roli i “Ezelit”, Kenan Imirzalioglu dhe bashkëshortja e tij, Sinem Kobal, u bënë prindër për herë të parë para 2 ditësh. Mediat turke raportuan se çifti kishte personalizuar një kat të spitalit për vete, ku 5 dhoma ishin vetëm për mysafirët.
Dyshja e njohur i vendosën vajzës së tyre emrin Lalin, që është me prejardhje nga Turqia, Arabia dhe Persia. Kuptimi i emrit Lalin do të thotë ‘e kuqe rubini’. Ndërkohë pasditen e djeshme Sinem dhe Kenan janë parë duke dalë bashkë nga materniteti dhe janë fotografuar nga paparacët.
Aktori është parë duke mbajtur të bijën, ndërkohë që të dy kanë ndaluar për të folur për gazetarët. Sinem është shprehur se si ajo dhe vajza janë mirë me shëndet. Ndërkohë që Kenan nuk ka mundur t’i mbajë emocionet dhe ka treguar si ndihet si baba.
“Zoti i bekoftë me fëmijë të gjithë ata që duan të bëhen prindër. Është një ndjenjë kaq e bukur”, u shpreh aktori.
Ndërkohë për të falenderuar bashkëshorten që e bëri baba, Kenani i bleu asaj një vilë super luksoze në Bodrum që kushton 3 milion lira turke apo më shumë se 300 mijë euro.
