Në fillim të muajit tetor, burime ekskluzive për “Dailymail” bënë të ditur se reperja Nicki Minaj ishte bërë nënë për herë të parë. Fansat pritën dy javë për konfirmimin e lajmit publikisht nga Nicki dhe partneri i saj, Kenneth Petty, mirëpo asnjë reagim nuk erdhi!
Madje, reperja nuk zbuloi as gjininë e foshnjës së saj, të cilën e mësuam pak ditë më parë nga Nicki! Teksa falenderoi publikisht miqtë e shumtë për dhuratat e këtyre ditëve, Minaj zbuloi se ka sjellë në jetë një djalë.
Ndërkohë ditën e sotme ajo ka publikuar për herë të parë një foto shumë të ëmbël të vogëlushit. Por ky postim nuk erdhi pa arsye, por për faktin që sot reperja feston 1 vit martesë më partnerin e saj.
“Gëzuar përvjetorin dashuria ime”, shkroi Nicki shoqëruar me foton e këmbës së djalit të saj.
Minaj zbuloi vitin e shkuar se ajo dhe Petty ishin martuar më 21 tetor 2019, me një video në Instagram, duke treguar dy filxhanë që lexonin “Z. dhe Znj.” si dhe dy kapele bejsbolli bardh e zi, që lexonin “Nusja” dhe “Dhëndri” në pjesën e përparme. Më pas në muajin korrik, reperja tregoi se ishte në pritje të fëmijës së parë me partnerin e saj.
