E kemi parë në disa role të ndryshme përkrah aktorëve të njohur si Selena Gomez, Dwayne Johnson dhe Reese Witherspoon, por aktori australian Luke Bracey, do të kthehet në fiksimin më të ri të vajzave pas filmit romantik që del në tetor, që titullohet “Holidate”, dhe ku luan së bashku me Emma Roberts.
Planet fillestare të 31-vjeçarit kanë qenë të bëhej një lojtar profesionist në Rugbi ose për të ndjekur një karrierë në ndërtim, por një shans për të bërë një audicion për “Home and Away” ndryshoi rrjedhën e jetës së tij.
Pas pjesëmarrjes në serialin Australian, yllit iu ofrua një rol emocionues në filmin “Monte Carlo” së bashku me Selena Gomez dhe Leighton Meester.
Më pas ai mori pjesë në një sërë filmash të njohur si ai i vitit 2013, “G.I. Joe: Retaliation” dhe fituesi i Oscar-it “Hacksaw Ridge”, i vitit 2016.
Këtë vit ai do të vijë me një film të ri që është tepër romantik dhe do të publikohet në Netflix më 28 tetor.
Në film çifti do të luajë rolin e dy të rinjve që krijojnë një plan sikur janë të lidhur me njëri-tjetrin, vetëm për festa, kur ju duhet të takojnë dhe njerëz të tjerë dhe të prezantojnë partnerin.
Ah, dhe një detaj! Aktori në të vërtetë është i lidhur me meksikanen Eiza González, që nga nëntori i vitit të kaluar!
