Gwyneth Paltrow mbushi 48 vjeçe ditën e djeshme dhe ditëlindjen e saj vendosi ta festonte në rrjete sociale me një foto nudo. Përveç imazhit që ajo ndau, ndjekësve u tërhoqi vëmendjen edhe trupi i supertonifikuar i aktores.
“Asgjë përveç kostumit tim të ditëlindjes sot”, e shoqëroi foton e saj Gwyneth.
Sigurisht aktorja ishte kujdesur të fshihte të gjitha pjesët intime, por duket se fotografia e ka lënë të shokuar vajzën e saj 16-vjeçare, Apple.
“MAMI”, shkroi adoleshentja me shkronja të mëdha, duke shprehur në këtë formë sikletin e saj ndaj postimit të së ëmës.
Gwyneth ka qenë gjithnjë shumë mendjehapur ndaj tematikave që kanë lidhje me seksualitetin dhe fansat e saj janë mësuar tashmë me këtë gjë. Para disa kohësh ajo shiti një qiri, që sipas aktores mbante erën e vaginës së saj. Ajo ka provuar se është edhe një nënë liberale, duke i blerë djalit të saj 14-vjeçar dhuratë për ditëlindje një puzzle të mbuluar me gjinj.
