Vijojnë infektimet me Covid të shtrihen në institucionet arsimore në mbarë vendin! Katër raste të reja janë të shpërndarë në Korçë, Bilisht dhe Ersekë.
Në Korçë, janë infektuar një çift bashkëshortësh, punonjës në dy shkolla 9- vjeçare, njëri tek “Naim Frashëri” ndërsa tjetri në shkollën “Sevasti Qiriazi”.
Po ashtu kanë rezultuar pozitiv edhe mësuesja e fizikes në shkollën 9 vjeçare “Papa Kristo Negovani” në Ersekë dhe mësuesja e gjuhës frenge në Bilisht.
Mësimi vijon normalisht në këto institucione, ndërkohë që mësuesit e infektuar janë zëvendësuar me të tjerë. Deri më tani nuk dihet asgjë për kontatet e këtyre mësuesve, nëse u është bërë tamponi apo janë karantinuar.
Në Korçë janë shënuar 252 të infektuar nga pandemia e koronavirusit, nga 13391 raste pozitive në rang vendi.
Lajmi vjen menjëherë pas 6 rasteve me virus në Përmet, që detyruan mbylljen e shkollës dhe dërgimin e nxënësve në shtëpi.
Ministria e Arsimit vijon të mos reagojë ndaj kësaj situatë që duket se po përshkallëzohet.
Rastet me virus janë përhapur në mbarë shkollat dhe institucionet arsimore të vendit, duke na treguar se hapja e tyre ishte thjesht një veprim i nxituar dhe i paplanifikuar nga ministria.
/iconstyle.al
