Viti akademik 2019-2020 po mbyllet me pakënaqësi e mangësi të shumta, për t’ia lënë vendin një viti të akademik pa një plan të mirëorganizuar. (KLIKO)
Një ndër pakënaqësitë që kanë studentët është fakti se ata po paguajnë tarifën vjetore, ndonëse fizikisht këtë vit e kanë frekuentuar shkollën jo më shumë se dy muaj.
Mësimi në universitete nisi javën e dytë të tetorit të 2019, por u ndërpre për disa kohë në fund të nëntorit pas tërmetit fatal. Kjo ndërprerje u pasua më pas nga festat e fundvitit, për tu finalizuar në mars pas mbërritjes së Covid-19 edhe në vendin tonë. (KLIKO)
“iconstyle.al” prej kohësh e ka ndjekur me shqetësim këtë çështje, duke zbuluar nga rrëfimet e studentëve se tarifa po paguhet e plotë në një kohë kur as mësimin online nuk e kanë ndjekur, pasi ishte një kosto më vete, ku përmend ofertat e internetit, wirless, etj. (KLIKO)
Ditën e sotme disa studentë në Fakultetin e Drejtësisë së Universitetit të Tiranës i kanë drejtuar një kërkesë për të përgjysmuar tarifën për studentët e masterit Bordit të Administrimit pranë Universitetit të Tiranës dhe rektoratit, duke argumentuar se pandemia ka rënduar buxhetin e familjeve të tyre madje i ka lënë edhe pa punë.
“Universiteti i Tiranës u shpreh se ‘Shumica e studentëve dhe familjeve të tyre mezi ia dalin të përballojnë kostot e studimeve të fëmijëve të tyre në kohë normale, aq më tepër në kohën e pandemisë kur vendet e punës u mbyllën apo u reduktuan në masë, çka solli papunësi te prindërit apo edhe të vetë studentët e punësuar. Vështirësitë dhe pamundësia ekonomike duhet të ishin marrë parasysh nga Ministria e Arsimit dhe Universiteti i Tiranës. Prandaj, ne sot kemi kërkuar qoftë nga Ministria, Universiteti dhe Fakulteti që të marrin masat e nevojshme për të realizuar këtë kërkesë të drejtë të studentëve”,- u shpreh Elvis Gjini, student i ciklit “Master” në Fakultetin e Drejtësisë.
Nga ana tjetër, dejtuesi i organizatës rinore ‘Guxo’, Marash Logu, tha se gjatë vitit 2019 Universiteti i Tiranës ka shpenzuar më tepër se 660 mijë euro për shpenzime luksi. Sipas Logut sikur këto shpenzime të paarsyeshme e të kripura të reduktoheshin, kërkesa e studentëve do të mund të realizohej.
“Në vitin 2019, Universiteti i Tiranës shpenzoi 660 mijë euro për roje private, karburant, dieta, udhëtime, telefon, orendi zyre. Nga kjo shumë 471 mijë euro janë shpenzuar për siguri, çka do të thotë se 7 godina të Universitetit që ruhen me nga një roje private me pagë 250 mijë lekë të vjetra në muaj kanë një kosto shumë të lartë. Sikur këto shpenzime absurde dhe të paarsyeshme të reduktoheshin, kërkesa e drejtë e studentëve do të mund të realizohej. Prandaj, ne si organizatë rinore ‘Guxo’ mbështesim plotësisht kërkesën e studentëve dhe do të vazhdojmë ta ndjekim këtë çështje më vëmendje maksimale deri në realizimin e saj”,- u shpreh Marash Logu, drejtor i “Guxo”.
Disa javë më parë, studentë nga Universiteti i Tiranës kërluan pezullimin e tarifës opara Ministrisë së Shëndetësisë por nga qeveria nuk u mor asnjë masë.
