Mbrëmjen e sotme, gazetari Julian Kasapi ishte i ftuar në “Open”, ku ka folur për fëmijët shqiptarë që kanë mbetur në kampin “Al Hol”, duke treguar se në çfarë kushte makabre jetojnë njerëzit atje.
“Kushte aty janë tmerrësisht keq, s’ka ujë, kushte higjienik, mund të ndodhin 2 ose 3 vrasje në ditë. Unë kam gjetur prsh ditën që shkova një çantë bombë të lyer me gjak, ku thuhej “Na prisni po vijmë”. Përditë vriteshin ushtarë. Është e tmerrshme dhe të mendosh këto nëna që duhet të mbrohen përditë. Aty janë rreth 80 mijë gra e fëmijë. Janë ndarë në dy seksione.”
Ai tha se aty ka shumë fëmijë shqiptarë që nuk mbrohen nga askush, por detyrohet të mbrojnë njëri-tjetrin.
“Shqiptarët jetojnë bashkë, shumica janë fëmijë. Askush nuk i mbron, mbrojnë njëri-tjetrin”.
Gazetari lexoi edhe një mesazh prekës të njërës prej nënave shqiptare që ndodhet në kamp:
“Shteti e di shumë mirë është në dijeni të gjendjes sonë, çfarë kërcënimi pati Kosova që mori gra e fëmijë, ata sot ndodhen në vendin e tyre, jo askund ,nuk i terrorizon askush. Pse nuk bëhet diçka për ne?”
Lidhur me historinë e trishtë të Mentije Dumanit (KLIKO), ai ka ndarë me publikun momentet e fundit të saj para se të ndërronte jetë.
Ai tha se atë e lanë pa ujë për disa ditë dhe ajo la amanet para se të jepte frymën e fundit që të mos i kryenin ritet fetare, teksa shtoi se ishte e frikësuar që të tregonte të vërtetën e asaj që ndodhte në kampin e ‘Al Hol’.
“Janë ndërprerë të gjitha resurset ujore, nuk e di nëse është e qëllimshme apo jo, është çuar në gjendje të rënduar brenda kampit. “Më dogjën për një pikë ujë”- tha dhe ka lënë amanet që të mos kryen ritet fetare, ndonëse ajo fliste që jemi në gjendje të mirë e kishte kushte, ishte shumë e frikësuar. Mund të jetë keqkuptuar dhe pas intervistës na falënderoi sepse tha se erdhi një shqiptar të interesohej për ne”, tha Kasapi.
