Nga Dojna Mema këto kohë kemi patur të reja, si nga ana profesionale ashtu edhe nga ajo personale.
Si fillim, ajo na lajmëroi nëpërmjet një Instastory se nuk do jetë më as moderatore e as autore e “Pop Culture”.
E pyetur rreth kësaj çështjeje, ajo ka shkruar se e ka dashur shumë këtë program, por gjithçka ka një fillim dhe një fund.
Arsyet e largimit të saj (të paktën nga emisioni që e ka dashur shumë) nuk dihen ende, teksa në media qarkulloi lajmi se ajo do ishte pjesë e “E diell”, por këto zëra janë mohuar mbrëmjen e sotme nga moderatorja seksi.
Në një bashkëbisedim me ndjekësit në Instagram, e pyetur rreth kësaj çështjeje, Dojna ka thënë se i pëlqen më shumë hëna se dielli, duke na bërë të mendojmë se ndoshta do jetë pjesë e ndonjë projekti që do transmetohet në mbrëmje.
Ndërkohë, pak ditë më parë ajo postoi një foto ku shihet e kapur për dore me të dashurin e saj, portretin e të cilit ende nuk na e ka zbuluar, teksa ka shkruar:
Ne jete duhet te gjesh dike qe te dashuron, kujdeset per ty dhe te ben foto te bukura.
P.s : kriteret e mesiperme nuk jane vendosur sipas rendesise
Kurioziteti është i madh rreth fatlumit që i ka vjedhur zemrën dhe rreth tij ajo është pyetur mbrëmjen e sotme.
Një fanse ka shkruar: “Na trego pak dorën misterioze të atij djalit se s’po na ze gjumi” dhe Dojna ka postuar një foto të duarve të tyre.
Kjo është hera e parë që moderatorja na zbulon të dashurin e saj dhe ne mezi po presim të mësojmë se kush është fatlumi që i ka vjedhur zemrën.
Kujtojmë se një vit më parë ajo u përfol për një marrëdhënie të mundshme me Vlashent Satën dhe shkak u bë pjesëmarrja e saj në videoklipin e këngëtarit, të titulluar ‘Copëzat’.
Megjithatë, ata nuk i pranuar këto zëra dhe nuk mund të themi me siguri nëse Vlashenti fshihet pas fotove të bukura të Dojnës.
