Pushuesit janë zënë në kurth pasi zjarri doli jashtë kontrollit në jug të Francës, ndërsa shtëpitë u dogjën dhe flakët u përhapën drejt Marsejës.
“Kjo është një absolutisht një katastrofë”, tha David Roper, një anglez 46-vjeçar në zonën e pushimeve ku qëndronte me gruan dhe dy fëmijët e vegjël.
“Rrugët janë mbyllur dhe ne na është thënë t’i drejtohemi veriut. Mesa duket ka disa erëra shumë të forta që shtojnë flakët dhe kjo mund të përkeqësohet. Po largohemi”, dëshmon ai.
Më shumë se 2,000 zjarrfikës të mbështetur nga helikopterët dhe aeroplanët të pajisura me rezerva uji u përdorën për të fikur flakët, të cilat kanë prishur të paktën 25 shtëpi.
Katër zjarrfikës janë lënduar, kur mjeti i tyre u bllokua ditën e djeshme, por ata menaxhuan që të arratiseshin.
Dy autostrada dhe shumë rrugë të tjera janë mbyllur dhe disa fluturime nga Aeroporti i Marsejës janë anuluar.
Zjarret janë kërcënimi më të fundit në truizmin e Francës, e cila ka vuajtur ndikimin e një sulmi terrorist në Nisë, dhunën e futbollit në Euro 2016 në Marsejë dhe grevat nga punëtorë të ndryshëm që protestonin nga reforma e punës të Presidentit Hollande.
Disa ndërtesa u shkatërruan në qytetin e Vitrolles, 20 milje në veri të Marsejës, si dhe mijëra persona u evakuuan nga një zonë, e cila është gjithmonë e populluar me turistë britanikë.
Një zëdhënës për shërbimin e zjarrfikësve tha se zona është “ende shumë e rrezikshme, pasi zjarret mund të vazhdojnë sërish”.
Ai tha se parashikohen erëra më të forta dhe aeroplanët janë po përpiqen të shuajnë flakët në një kodër në afërsi të një autostradë.
Ai tha se hedhja e cigareve të ndezura apo barbekjutë ilegale mund të jenë fajtorët e zjarrit dhe shpatet e kodrave ishin më të thata këtë vit, pas reshjeve të pakta të dimrit dhe një pranverë të nxehtë.
Nuk ka pasur lëndime të rënda në mesin e vendasve apo pushuesve deri më tani, por shërbimet e urgjencës thanë se shumë njerëz u trajtuan për asfiksim të lehtë dhe shok.
Kryetari i Marsejës, Jean-Claude Gaudin, shkroi në “Twitter”: “Zjarri duket të jetë më pak intensiv se më parë, por ende nuk është nën kontroll”.
*Shfleto galerinë
Burimi: Daily Mail
