Dy muaj më parë, Noizy theu rrjetin me këngën e re në bashkëpunim me dy artistët e huaj, Gzuz dhe Dutchavelli.
Bashkëpunimi u titullua “All dem talk” dhe bëri namin në Youtube, duke u kthyer në këngën më të dëgjuar ngado.
Deri tani, ky hit numëron 13 milion klikime dhe nëse projekti ju ka pëlqyer, Noizy ka një lajm të bukur!
Reperi ka njoftuar fansat e tij në Instagram se “All dem talk” do të vijë në verisonin remiks, i cili është ende në punim e sipër.
Ky lajm i ka gëzuar ndjekësit, të cilët mezi po e presin këtë remiks.
Së fundmi, Noizy ka dhënë një intervistë të gjatë e të sinqertë për “NIN”, ku foli për planet e të ardhmes, vajzën e tij Leandrën si dhe sherret e bujshme të karrierës së tij. (Lexo këtu)
Tema që i bëri të gjithë kureshtarë ishte vajza e tij, Leandra, për të cilën s’kemi dëgjuar prej kohësh.
“Leandra është shumë mirë, nuk flet shumë. Është gocë e urtë, shumë e turpshme, origjinal si unë. Ajo është pasqyra ime dhe do e ketë gjithnjë mbështetjen time, por nuk e ekspozoj shumë, sepse ndoshta ajo nuk do që bëhet personazh publik si unë.”- rrëfeu reperi.
