Chris Mosier bëri histori! Ai është i pari atlet transgjinor që njihet, i cili u kualifikua për skuadrën kombëtare të SHBA-ve dhe tani atleti i parë transgjinor që shfaqen në revistën “Body Issue”.
Mosier foli për ESPN se si arriti më në fund të ndihej komod në trupin e tij dhe si po punon për të përparuar të drejtat e transgjinorëve në gjeneratën e re të atletëve.
35-vjeçari shprehet se, “doja të isha pjesë e “Body Issue” për mbi një vit. Mendoj se arsyeja se ndihem kaq i frymëzuar për ta bërë është se më në fund ndihem shumë rehat me trupin time. Dhe si një person transeksual, të qenit në një trup që nuk më përket mua për 29 vite, tani ndihem shumë komod në lëkurën time”.
Chris Mosier thotë se gjithmonë e ka përdorur atletikën si një mënyrë për t’u ndjerë e lidhur me trupin e tij.
“Para ndryshimit mendoja se të përdorje fitness-in, vrapimin dhe ngritjen e peshave janë një mënyrë për t’u ndjerë më i qetësuar në lëkurën time, edhe pse nuk ndihesha shumë i lidhur me trupin tim. Kështu që ndihesha më shumë mashkullor. Për 29 vite unë nuk doja të dilja në fotografi, sepse ajo që reflektohej te unë nuk ishte mënyra se si ndihesha ose se si e shikoja veten. Unë luftova me të për një kohë të gjatë, edhe duke mos qenë fare në foto. Dhe tani është një pikë që jo vetëm dua të jem në fotografi, por dëshira të jem në foto pa rroba është e pamasë. Kur shoh fotot është pikërisht personi që dua të jem. Mendoj se për shumë vite tradhtova trupin tim”, shprehet Mosier.
Një nga kompanitë më të mëdha të veshjeve sportive “Nike”, vendosi të ketë si imazh në spotin e tij të fundit publicitar pikërisht Chris. Reklama e cila është transmetuar për herë të parë të hënën në rrjetin NBC kishte në fokus të saj atletin. Chris e ndryshoi gjininë e tij që në vitin 2010 dhe është pjesë e ekipit kombëtar për meshkuj që nga viti 2015.
Kjo është hera e parë në histori që një kompani veshjesh sportive ka zgjedhur një trasgjinor për të reklamuar produktet e saj.
*Shfleto galerinë
Burimi: ESPN
