Shkollat në Kukës kanë nisur me frikë këtë të hënë.
Me formularin e vetëdeklarimit në duar, ku u duhet të vërtetojnë se nuk njohin dikë të infektuar as nuk janë të infektuar (në dijeninë e tyre), nxënësit thonë se do ta kenë të vështirë që të mbajnë maskat.
Kjo nxënëse në Kukës shprehet e gëzuar që nisi shkolla pasi e kishte marrë malli për shokët dhe mësuesit, ndërsa thotë se ka vështirësi të flasë me maska, por do ia dalë. Sa i përket formularit të Ministrisë së Arsimit, disa e kanë me vete, të tjerë nuk kanë qenë në dijeni.
“Unë jam shumë e lumtur që po filloj vitin shkollor. Dua të takoj shumë mësuesit dhe shokët e klasës, jam shumë e lumtur që nisi shkolla. Do t’i zbatoj të gjitha rregullat dhe higjienën”
“Jam shumë i lexuar se do takoj mësuesit dhe shokët. Nuk do e kem të vështirë të zbatoj masat. Po e kam plotësuar formularit”.
Vogëlushja tregon se këtë vit ndihet ndryshe, ndërsa mendon se mësimi online do të ishte më mirë dhe sigurisht më i sigurt.
“Ndihemi ndryshe se nuk e kemi përjetuar asnjëherë këtë gjë, mendoj se do jetë më mirë online. Nuk e kam plotësuar akoma formularin, por do e plotësoj dhe do ia japim mësuesit. Do jetë pak e vështirë të flasim me maska, por do përpiqemi”.
“Formularin akoma nuk na e kanë dhënë, jemi të gëzuar që do të takojmë shokët. Kemi frikë nga COVID-i, por do mbrohemi. Është pak e vështirë me maska”, tregojnë disa nga fëmijët.
