Duke qenë se u merakosët pas zhdukjes së saj nga rrjetet sociale, Loredana ka reaguar dhe është rishfaqur.
Jo në profilin e saj, por në Instagramin e së bijës Hana, ku ka postuar një foto me të voglën.
Ato shihen të shtrira pranë njëra-tjetrës, duke na dhuruar foton më të bukur të mbrëmjes, teksa e ka shoqëruar atë me vendodhjen “Parajsë”, duke nënkuptuar se kështu ndihet kur ndodhet pranë Hanës.
Nga kjo foto mund të shtojmë edhe një mundësi të 3 lidhur me largimin e papritur të saj nga rrjetet sociale, siç është kalimi i kohës me të bijën dhe me veten.
Kujtojmë se më herët ditën e sotme fansat vunë re se Loredana ka fshirë të gjitha postimet e saj në Instagram, pa bërë asnjë lajmërim paraprak dhe më pas ajo e çaktivizoi faqen.
Hipoteza 1
Prej javësh në rrjetet sociale, ka nisur një fushatë kundër saj, me hashtagun #BoycottLoredana (Bojkoto Loredanën), me qëllim që njerëzit të ndalojnë së dëgjuari muzikën e saj.
Ky reagim i rrjetit erdhi pasi çifti zvicerian Valais dha një intervistë ku pohuan se të ardhurat e saj që prej asaj kohe janë përkeqësuar ndjeshëm. Petra dhe bashkëshorti i saj pretendojnë se kanë humbur një total prej 655,000 eurosh, duke e patur të pamundur të paguajnë shpenzimet edhe për funeralin e të ëmës.
Këto të fundit sipas tyre shkonin dikur tek 3700 euro dhe çifti është shprehur se nuk kishte të paguante, pasi nuk ka patur asnjë lloj kursimi. (KLIKO)
Një grup fansash mendojnë se është pikërisht ky hashtag që e ka bërë reperen të largohet nga Instagrami.
Hipotza 2
Pa shkuar në përfundime kaq drastike, ne mendojmë se ky veprim i saj lidhet me një reklamim të mirë që mund të pasohet nga një ose disa këngë, pse jo edhe një album.
Deri tani kemi patur raste të shumta, ku këngëtarët largohen nga rrjetet sociale për tu rikthyer më të fuqishëm, teksa duhet ta pranojmë se kjo shkëputje iu shërben mjaft mirë.
Risjellim në vëmendje se këtë taktikë ka përdorur edhe Dua Lipa para se të publikonte albumin e saj të fundit, kur u zhduk nga Instagrami, duke thënë se ka nevojë për pushim.
Megjithatë, asgjë nuk mund ta themi me siguri derisa Loredana të prononcohet vetë.
