Dj shumë i njohur për publikun shqiptar, Geek, ka sot ditëlindjen dhe padyshim vëmendjen e mori urimi i Dafinës.
Sapo ka hyrë mesnata Dafina e ka surprizar Dj Geek, duke i kënduar këngën e ditëlindjes, ndërsa videon e ndau me ndjekësit në InstaStory.
Mesa kemi parë në rrjetet sociale ata kanë qenë gjatë gjithë ditës bashkë, dhe Duffy është munduar t’ia bëjë sa më të paharrueshëm 28-vjetorin bashkëpunëtorit, ish-partnerit dhe ndoshta partnerit aktual.
Dhe jo, nuk është kjo lule dhurata e autores së hitit “Aman”, por janë një palë atlete që mesa duket djali i ditëlindjes i ka patur shumë qejf.
Ai ka publikuar një video në Instastory duke na treguar dhuratën e saj, duke shkruar “…edhe diçka tjetër nga Dafina (emoji mbretërshe)”.
Po ashtu, Dafina dhe miqtë e përbashkët po i përgatisin edhe një festë. Vetë këngëtarja ka shpërndarë video nga ambienti festiv, ku shihen tullumbaca dhe torta e personalizuar.
Dafina Zeqiri dhe Dj Geek u kthyen disa muaj më parë në çiftin më të komentuar të showbiz-it, kjo për lidhjen e papritur të dashurisë dhe ndarjen po aq të shpejtë të tyre.
Këngëtarja tregoi se i ishte dashur të zgjidhte mes lidhjes me të dhe karrierës, ndaj vendimi më i mirë i momentetit sipas Dafinës ishte të zgjidhte karrierën.
Megjithatë, duket se dyshja nuk e ka mbyllur përfundimisht dhe ende nuk po kuptojmë ç’po ndodh mes tyre.
Ata hera-herës pushtojnë mediat me komente të ndryshme në rrjetet sociale, ndërsa pjesën më të madhe të kohës janë bashkë.
Pak muaj më parë këngëtarja na i ka çuar në një nivel tjetër dyshimet me deklaratën e saj mbi dashurinë në emisionin “Në kurthin e Piter Pan”.
Autorja e hitit “A je pendu” u pyet nëse është e dashuruar, duke u përgjigjur se është ende pak e dashuruar dhe se ka një dashuri të madhe brenda saj, duke mos e përmendur emra, por s’do mend se cili ia ka vjedhur zemrën.
Jam ende pak e dashuruar se kam dashni shumë të madhe kështu që është ende këtu, brenda meje”, ka pohuar Zeqiri duke shtuar se në fakt do donte të mos dashuronte kaq fortë, pasi më parë ka qenë edhe më ndryshe, megjithatë mendon se tashmë nuk mund të ndryshojë më, duke shtuar se dashuria është nga gjërat më të mëdha, bashkë me muzikën.
