Një zjarr i madh shpërtheu të enjten në portin e Beirutit, duke shqetësuar banorët të cilët ende nuk e kanë marrë veten nga shpërthimi i tmerrshëm i portit që shkatërroi qytetin muajin e kaluar.
Zjarri nisi në një depo që ishte dëmtuar në shpërthimin e mëparshëm. Ndërsa shumica e portit u rrafshua nga shpërthimi i gushtit, zjarri i fundit me sa duket filloi në skeletin e një prej ndërtesave të mbetura.
Videot e realizuara në vendin e ngjarjes tregojnë flakët që dalin nga një depo tashmë e dëmtuar në port dhe tymin e zi që ngrihej nga zona.
Shkalla dhe shkaku i zjarrit nuk janë ende të qarta, por Ushtria Libaneze tha në një deklaratë se zjarri filloi në një depo ku ruheshin vaj dhe goma. Helikopterët u dërguan menjëherë drejt vendit të ngjarjes.
Banorët e qytetit, ende duke u dridhur nga shpërthimi i mëparshëm, ndanë dhjetëra imazhe dhe video në mediat sociale të shqetësuar se një tjetër katastrofë e madhe pritet të nisë.
Përpjekjet për të pastruar zonën nga shpërthimi i mëparshëm, i cili vrau më shumë se 190 njerëz, plagosi 6,000 dhe shkaktoi dëme miliarda dollarë, vijojnë ende!
Huge fire at Port of #Beirut. Now pic.twitter.com/EnnIritG0e
— Imad Bazzi (@TrellaLB) September 10, 2020
