Megan Fox dhe Brian Austin Green pritën fëmijën e tyre të tretë.
Aktorja 30-vjeçare solli në jetë një djalë te enjten më 4 gusht, sipas raportimeve të E!.
Ata e quajtën të voglin e tyre Journey River Green. Çifti ka tashmë dy djem, Noah, 3 vjeç dhe Bodhi, 2 vjeç.
Gjinia e të sapolindurit u zbulua nga babai i aktores, Franklin Fox, më herët këtë vit.
“Megan është një nënë e mrekullueshme dhe nuk më besohet që ajo do të bëhet me djalin e tretë. Të qenit një gjysh ka qenë një eksperiencë e mrekullueshme dhe na ka bërë edhe më të bashkuar”, tha ai.
“Gjithçka që mund të them është që ata janë bashkë dhe janë të lumtur. E kam takuar Brian shumë herë dhe është një djalë fantastik. Jam gjyshi i dy djemve të bukur dhe tani ajo pret një tjetër djalë. Nuk mund të isha më krenar për gruan në të cilën është kthyer vajza ime”, u shpreh më herët babai i Megan Fox.
Një burim tha për “UsWeekly” janë “përfundimisht bashkë”, pavarësisht se Megan firmosi divorcin vitin e kaluar.
Burimi: Daily Mail
