Ditën e djeshme, këngëtari i njohur Blero Muharremi bëri të ditur se vetëm pak kohë më parë ishte infektuar me Covid-19.
Ai nuk i ka shpëtuar dot virusit, por këtë lajm e kishte mbajtur të fshehtë nga fansat e tij.
“Covid-in e kalova, tashn angin, haj medet haj 2020, hajër inshallah.”- shkruante Blero krahas një postimi që merakosi fansat për gjendjen e tij.
Mesazhet drejtuar këngëtarit kanë qenë të shumta, ndaj Blero ka vendosur të flasë për herë të parë lidhur me eksperiencën e tij me Covid-in.
Ai tregon se e ka kaluar virusin dhe tashmë është në gjendje të mirë shëndetësore, gati për t’iu rikthyer projekteve të reja.
“Faleminderit të gjithëve për kujdesin dhe gjithë ato mesazhe! Unë falë Zotit jam shëndosh e mirë dhe me sukses i kalova të gjitha! Menjëherë u riktheva në punë. Mezi pres që ju të shijoni projektin tim të rradhës, që me aq shumë mund dhe shpirt kam punuar me të gjithë njerëzit e mi më të afërt. Nga thellësia e zemrës ju dua.”- janë fjalët e tij.
