Në fund të muajit korrik Jonida Maliqi ka dhënë një intervistë, ku ka folur për shumë gjëra private që ishim tepër kuriozë t’i mësonim, siç është për shembull marrëdhënia që ajo ka me prindërit e Romeos.
E ftuar në “Ora e Tiranës”, Jonida ka treguar se kanë një raport shumë solid dhe me vjehrrën ruan një raport shumë të mirë, teksa shprehu vlerësimet e saj për prindërit e partnerit. (LEXO)
https://www.instagram.com/p/CC4BDlKFiIM/?utm_source=ig_web_copy_link
Tashmë rreth një muaj më vonë, është radha e Romeos të flasë e të na rrëfehet.
Aktori i njohur ka dhënë një intervistë për “Revista Who”, ku ka folur mbi marrëdhënien me mamanë e Jonidës që të gjithë e duan aq shumë, pas ekspozimit që këngëtarja i bën në rrjetet sociale.
Ai ka thënë fjalët më të mira për të, duke shtuar se kanë një raport të veçantë dhe unik.
Mamaja e Jonidës është aq pozitive sa është e vështirë mos ta duash dhe është kënaqësi të bisedosh me të. Kemi një raport të veçantë dhe unik.
Sa i përket pyetjes së madhe se çfarë do ndodhë me ta, pasi Bora u largua drejt Top Channel, Romeo tha se ata po bëhet gati për sezonin e ri i cili do jetë plot surpriza. Nuk dihet nëse kanë në plan të zëvendësojnë Borën me ndonjë moderatore tjetër, por na mbetet për tu parë.
Sakaq, Romeo shtoi se ai dhe dhe Donaldi janë duke punuar paralelisht për një projekt të dytë, i cili do të dalë në transmetim në javën e parë të tetorit.
Ashtu sikurse e dinë të gjithë Bora nuk është më pjesë e emisionit, me këtë rast i uroj shumë suksese dhe ne sigurisht që do vijojmë rrugëtimin tonë plot risi dhe supriza këtë sezon të ri. Unë dhe Donaldi jemi duke punuar paralelisht për një projekt të dytë, i cili do të dalë në transmetim në javën e parë të tetorit. Është një “Late Night Show” mjaft popullor, tek i cili do të ngjisim në skenë dhe një aktore shumë të dashur të publikut shqiptar ndër vite. Do të jetë një “show” që do të ketë në vëmendje gjithë familjen. Ju mbetet vetëm të prisni.
