Prej kohësh Luana na ka paralajmëruar se shumë shpejt do rikthehet në ekran me “Shiko Kush Luan”, që mund të konsiderohet padyshim një nga emisionet më të sukseshme në vend.
Disa kohë më parë ajo ka publikuar një video të xhiruar nga skena e emisionit “Shiko Kush Luan” vetëm se këtë radhë, skena është transformuar dhe është bërë shumë herë më e madhe.
Ditën e sotme nëpërmjet Instagram, moderatorja na ka treguar se ka nisur regjistrimi i puntatës së parë të emisionit.
Luana ka postuar një sërë videosh në rrjetet sociale, duke na bërë të ditur se edhe këtë vit do jetë nën shoqërinë e aktorëve të “Portokalli” Florjan Binaj dhe Rezart Veleshnja.
Po ashtu, pjesë emisionit do jetë edhe Fifi, e cila do shoqërohet nga orkestra dhe pritet të dhurojë goxha spektakël.
Në videot e publikuara ata shihen se janë shndërruar në fëmijë të vegjël, me rroba e look të përshtatur, teksa po ashtu përpiqen të flasin si fëmijë.
Sakaq, moderatorja ende nuk i ka zbuluar personazhet e para të emisionit, por ne jemi gjithë sy e vesh.
Kuriozë jemi po ashtu edhe se si do vijë kjo lojë në kushte pandemie, pasi publiku është një element kyç, kurse lojërat nuk e mundësojnë distancimin social.
Ndërkohë, Luana na ka paralajmëruar para se Covid-19 të mbërrinte në Shqipëri se do rikthehej në ekran, me emisionin e ri që nuk arriti të fillonte për shkak të pandemisë “Take me out” dhe si duket është shtyrë sërish.
Nga ana tjetër, ajo ka qenë aktive edhe në muzikë dhe vetëm disa javë më parë solli një duet me Jay Santos, “Locos”, teksa ka lajmëruar se ka nisur punën për projektin e ri.
