Autoritetet gjermane do të shfuqizojnë testin e detyrueshëm të koronavirusit për banorët që kthehen nga pushimet jashtë vendit, pasi kjo ka bërë një mbingarkesë në laboratorë, por do të rritin monitorimin e tyre për t’u siguruar që po i respektojnë rregullat e karantinës.
Në fillim të gushtit, testet falas covid-19 nisën të aplikoheshin mbi gjermanët që ktheheshin nga pushimet, pasi numri i përditshëm i rasteve në vend tejkalonte 1.000 për herë të parë që nga maji dhe të dhënat treguan se më shumë se 40% e gjermanëve ishin infektuar jashtë vendit.
Sidoqoftë, disa zyrtarë shëndetësorë kanë kritikuar politikën si joefektive, pasi disa nga këta të testuar negativë për SARS-CoV-2, treguan një rezultat pozitiv disa ditë më vonë.
Detyrimi për ata që kthehen nga zonat që autoritetet gjermane i konsiderojnë të rrezikshme për shkak të përhapjes së Covid-19 për të mbetur në karantinë për 14 ditë, do të mbetet në fuqi. Karantina do të hiqet jo më parë se pesë ditë pas mbërritjes së tyre edhe nëse ata tregojnë një rezultat negativ.
Gjithashtu, këtyre udhëtarëve do t’u kërkohet të bëjnë një test të koronavirusit.
Sidoqoftë, Ministri gjerman i Shëndetësisë Jens Spann sqaroi se, pasi të hiqet detyrimi për të gjithë udhëtarët që të kryejnë teste diagnostikuese, autoritetet lokale duhet të intensifikojnë monitorimin e tyre për të siguruar që ata të respektojnë rregullat e karantinës.
Shumë detaje mbeten për t’u përfunduar, siç është fakti nëse do të bëhen falas testet për të kthyerit nga zonat me rrezik të lartë.
Instituti Robert Koch (RKI) raporton se 42% e rasteve të reja mund të jenë infektuar jashtë vendit. Sot njoftoi më pak se 1.600 infeksione të reja, duke e çuar numrin e përgjithshëm të rasteve të Covid-19 në Gjermani në 236 429, ndërsa numri i të vdekurve qëndron në 2.280.
Ministria e jashtme e vendit pritet gjithashtu të zgjasë paralajmërimin e saj për të shmangur udhëtimin në vendet jo-Evropiane deri në 14 shtator, tha një burim qeveritar.
/Iconstyle.al
