Aktorja e njohur turke, Hande Erçel prej disa vitesh ka qenë në një lidhje me këngëtarin Murat Dalkiliç.
Lidhja e tyre ka patur ulje-ngritje dhe çifti shpeshherë përfoliteshin për ndarje, megjithatë gjithmonë i kishin kaluar krizat në çift duke u ribashkuar.
Rreth tre muaj më parë u raportua se Hande dhe Murat kishin vendosur të lidhin kurorë dhe mediat turke kishin zbuluar edhe datën e martesës. Sipas mediave turke Hande dhe Murat do të martoheshin në javën e dytë të korrikut.
Aso kohe mediat shkruanin se çifti mezi po priste të kurorëzohet dhe po numëronte ditët dhe se dasma do të mbahej në Stamboll e Hande kishte kërkuar që ceremonia të jetë sa më e thjeshtë.
Mirëpo, gjërat nuk shkuan si duhet dhe ata u ndanë. Ka qenë Hande ajo që ka konfirmuar zërat me anë të një Instastory disa javë më parë, ku shkruante se ndarja ka qenë në mënyrë miqësore dhe kërkonte ta respektojnë këtë vendim.
Aktorja nuk dha arsye pse ka ndodhur kjo, por shprehet se Murati është një njeri i çmuar e i dashur për të.
Mediat turke aluduan se ajo dhe aktori Kerem Bursin krah të cilit po luan në serialin “Sen Çal Kapimi” mund të kenë nisur një romancë, duke menduar se ky është bërë shkak që ajo t’i japë fund lidhjes me Muratin.
Përpos të gjithave ata kanë shfaqur një kimi shumë të mirë, teksa duken se kanë raport mjaft të afërt ndonëse të dy i kanë mohuar zërat për një lidhje të mundshme.
Disa ditë më parë, Kerem ka dhënë një intervistë në një televizion turk ku ka folur edhe rreth kësaj teme, duke thënë fjalët më të mira për aktoren. Aktori tregoi se ai është habitur tepër kur e ka njohur personalisht Handen sepse pa që ajo është një person shumë i ëmbël dhe jo mendjemadhe. (KLIKO)
Së fundmi, ka qenë vetë Hande ajo që ka folur rreth kësaj situate. Aktorja është shprehur për mediat turke se ata janë miq dhe kolegë, duke shtuar se “Ne thjesht bëjmë punën tonë”.
Jemi të qartë tani?
