Një baba në Elbasan ka marrë peng një 18-vjeçar, pasi ky i fundit i përndiqte të bijën vetëm 14 vjeçe.
Policia e Elbasanit ka arrestuar 18-vjeçarin L. Haxhiu, i cili përndiqte dhe dhunonte vajzën.
Në pranda ka rënë edhe babai i saj Astrit Kushi bashkë me dy persona të tjerë që kanë dhunuar edhe marrë peng 18-vjeçarin.
Ndërkohë, policia ka zbardhur ngjarjen dhe ka shpallur në kërkim dy personat e tjerë, G. Sh., 46 vjeç dhe O. K., 20 vjeç.
Njoftimi i Policisë:
Përndiqte dhe ushtronte dhunë fizike e psikologjike ndaj një shtetaseje të mitur, vihet në pranga 18-vjeçari. Gjithashtu arrestohet edhe babai i të miturës dhe shpallen në kërkim dy persona të tjerë, të cilët ushtruan dhunë fizike dhe i hoqën lirinë për disa orë 18-vjeçarit. Specialistët për Hetimin e Krimit në Komisariatin e Policisë Elbasan bënë arrestimin në flagrancë të shtetasve: A. K., 49 vjeç dhe L. H.,18 vjeç, banues në Elbasan. Gjithashtu u bë shpallja në kërkim e shtetasve: G. Sh., 46 vjeç dhe O. K., 20 vjeç, banues në Elbasan.
Arrestimi i shtetasit L. H., u bë pasi nga tërësia e veprimeve hetimore rezultoi se ky shtetas, ka përndjekur dhe ka ushtruar dhunë fizike e psikologjike ndaj një shtetaseje të mitur 14-vjeçare.
Ndërsa arrestimi i shtetasit A. K., (i ati i vajzës) dhe shpallja në kërkim e dy të tjerëve, u bë pasi këta shtetas në bashkëpunim mes tyre, ditën e djeshme dyshohet se kanë ushtruar dhunë fizike ndaj 18-vjeçarit L. H., si edhe i kanë hequr lirinë këtij të fundit, duke e mbajtur në një automjet për disa orë. Materialet i kaluan Prokurorisë së Rrethit Gjyqësor Elbasan, për veprime të mëtejshme.
