Ish-kandidati për kryetar të Bashkisë së Këlcyrës, Hazbi Kasaj, ka ndërruar jetë gjatë ditës së sotme.
Ai ka kandidatuar për kreun bashkiak në vitin 2019 nën siglën e Partisë së Emigracionit Shqiptar, e drejtuar nga Kostaq Papa, mirëpo nuk fitoi.
Kasaj do të mbahet mend pasi ishte një personazh sa karizmatik, aq edhe kontravers.
Ai premtoi se do të hapte një bordello në Këlcyrë, do të legalizonte hashashin dhe tha se me të kryetar, në bashki do të kishte sa më shumë qejf.
Hazbi Kasaj nuk arriti të marrë shumë vota në Këlcyrë dhe mallkoi rëndë votuesit që nuk e zgjodhën për kryebashkiak.
Deklarata që e bëri të famshëm ishte ishte mallkimi drejtuar votuesve: “Ju daltë kanceri mu në grykë kush nuk më ka votuar mua“.
Kjo batutë e tij, ishte ndër më të përhapurat në rrjet dhe e bëri të famshëm atë.
/gazetareforma
