Megjithëse ka treguar se është e dashuruar, ka treguar shkronjën e personit të zemrës, Fifi nuk preferon të ndajë më shumë detaje për jetën e saj private.
Madje, kur ndjekësit e kanë pyetur nëse do të kemi dasmë apo diçka publike lidhur me jetën e saj sentimentale, këngëtarja është shprehur se preferon të ruajë privatësinë.
Pavarësisht kësaj, Fifi ka rrëfyer se i pëlqen të jetë një nuse tradicionale dhe gjatë “mini-intervistës” me pyetje e përgjigje në InstaStory, s’mundi t’i shpëtonte edhe një pyetjeje për vjehrrën.
“Fifi mqs të pëlqejnë familjet tradicionale, a do të jetoje në një shtëpi me vjehrrën?”- e pyet një ndjekës.
Në fakt, përgjigjia e saj është për t’u marrë shembull, pasi këngëtarja shpreson që në të ardhmen të ketë një raport shoqëror me vjehrrën e saj, për të pasur sa më shumë harmoni së bashku.
“Andërr e kom me e pas vjehrrën shoqe dhe normalisht që do jetoja me kënaqësinë ma t’madhe n’botë!”- përgjigjet ajo.
Po ju do të donit të jetonit me vjehrrën?
