Sarah Jessica Parker ka folur për herë të parë për show-n e saj të ri “Divorci” që do të nisë pas dy muajsh dhe martesën e saj që nga viti 1997.
Në një intervistë për revistën “Marie Claire”, aktorja e njohur ka deklaruar se edhe përkundër problemeve nuk e ka ndërmend të ndahet nga bashkëshorti i saj pas 19 viteve.
“Për mua, është vërtet një investim i madh te një njeri tjetër”, ka deklaruar ajo për numrin e ri të revistës “Marie Claire”, ku ndër të tjera ka thënë: “Ata ndryshojnë dhe ju bëheni më të zgjuar dhe ndoshta ju mendoni se këto pritshmëri nuk kanë më vlerë për këtë person, por kjo është një lloj garancie”, ka shtuar aktorja.
E pyetur për feminizmin, Sarah u shpreh: “Unë nuk jam feministe. Nuk mendoj se kualifikohen për të qenë e tillë. Unë besoj te femra dhe në barazi, por unë mendoj se ka aq shumë për të bërë sa që nuk dua t’i ndaj më. Jam shumë e lodhur me ndarjen. Unë dua vetëm që njerëzit të trajtohen në mënyrë të barabartë”.
Ajo çka nuk ka ndryshuar për 51-vjeçaren është dashuria për rroba të bukura, ku ajo shkëlqen në tri veshjet e saj për kopertinën e revistës, e cila do të dalë në shtator.
