Rudina Magjistari ka nisur pushimet me familjen këtë fillim gushti.
Moderatoja shqiptare ka ndarë vazhdimisht këto ditë disa pamje të ëmbla të destinacionit që ka vizituar nga Saranda në Butrint.
Pas vizitës së parë të vajzës Mia në Butrint, Rudina ka publikuar edhe një foto me bashkëshortin si rrallëherë në Instagram, ku tregohet disi e rezervuar për jetën private.
Postimet më të shpeshta që shohim në profilin e Rudinës janë ato të punës, ndërsa jetën personale moderatorja përpiqet ta mbajë sa më larg syrit të mediave.
Por fotoja e fundit me bashkëshortin ka tërhequr vëmendjen e të gjithëve. Rudina shfaqet e buzëqeshur pranë gjysmës së saj më të mirë, ndërsa postimin e ka shoqëruar me një emoji zemër.
Ish-kampioni i kikboksit Xhavit Bajrami, shihet i veshur casual me këmishë, kapelë dhe syze dielli. Historia e tyre e dashurisë është komentuar gjatë në media, sidomos për faktin që moderatorja ia doli ta mbante të fshehtë.
Madje në një puntatë të emisionit ajo e ftoi edhe në program Xhavitin, ndonëse askush nuk e dinte se ishte partneri i saj. Sportisti la Zvicrën për t’u vendosur në Tiranë për hir të dashurisë dhe që prej vitit 2015, ata janë prindër të vogëlushes Mia.
https://www.instagram.com/p/CDZPuEzj7-i/
