Kjo verë padyshim do të mbahet mend si vera e hiteve dhe e bashkëpunimeve.
Pas karantinës, artistët e njohur shqiptarë janë rikthyer plot frymëzim për projekte të reja që do të bëjnë namin këto muaj, e mes tyre është edhe Yll Limani.
Më herët autori i hitit “Vaj” ka treguar se po sjell një këngë me titullin “Buzët e kuqe” e cila nuk e ka ende një datë publikimi.
Megjithatë, ai ka bashkuar forcat edhe me Lumi B për një super projekt, që kemi kohë që e presim. Më herët, çunat i pamë në studio duke punuar e tashmë duket se ata kanë përfunduar edhe xhirimet e klipit.
Vetë Ylli ka shpërndarë një foto në Instagram, ku i ka bërë tag Lumi B, teksa ka shkruar: “Tu e prit Lumi B me ardh n’montazh”.
https://www.instagram.com/p/CDRl-fvA71P/
Deri tani dimë vetëm se kënga do titullohet “Pate” dhe do publikohet para “Buzët e kuqe”, por detaje të tjera do i mësojmë në vijim.
Ndërkohë, Ylli ka ndarë edhe një foto tjetër nga xhirimet e këngës, ku shihet i veshur me këmishë të bardhë, mjaft simpatik si çdo herë.
https://www.instagram.com/p/CDOeffJAPto/?utm_source=ig_web_copy_link
Padyshim që kjo këngë do na shoqërojë gjatë pjesës së mbetur të verës, por jo vetëm dhe mezi po presim.
Ndërkohë, në një intervistë për “Prive” këngëtari ka treguar se do vijë me disa eksperimentime këtë herë dhe kënga “Buzët e kuqe” i përket tendencës që po dominon në tregun botëror, rikthimi i periudhës së viteve ’80.
Ylli ka treguar se karantina ka shërbyer si një burim i mirë prodhimi për të pasi ka krijuar këngë sa pë dy vite. Ai tha se përveç bashkëpunimit me Lumi B, do sjellë edhe një solo tjetëer, kështu që bëni gati shamitë.
