Marrëdhënia me modelen Hailey Baldwin ka qenë për këngëtarin Justin Bieber një nga më të shëndetshmet dhe që e ka bërë të ndjehet më i lumturi, ndaj dhe dyshja s’vonoi shumë të shpallte martesën.
Në rrjete sociale dhe nëpër intervista, këngëtari ka treguar shpesh se është kokë e këmbë i dashuruar me partneren e tij dhe ndihet super i lumtur dhe i bekuar.
Madje vazhdimisht në llogarinë e tij në Instagram, Justin tërheq vëmendjen me dedikimet që bën për Hailey-n.
Kështu ka bërë edhe sonte, teksa të dy shijonin shoqërinë e njëri-tjetrit gjatë një darke romantike.
Këngëtari ka filmuar bukuroshen teksa i fliste dhe videon s’ka rezistuar dot pa e ndarë me ndjekësit në Instagram.
“Kjo është pamja ime gjatë takimit në mbrëmje! Si ka mundësi! Jam kaq i bekuar.”- janë fjalët e Justin krahas videos, duke shkrirë zemrat e të gjitha vajzave.
Epo, Hailey duhet të ndihet shumë e llastuar nga kjo përkëdhelje gjatë gjithë kohës. Vajzë me fat!
