Në ditët e sotme, askush s’mund të rrijë larg rrjeteve sociale dhe tundimi për të parë se ç’bëjnë të tjerët rreth teje është i madh.
Këtij tundimi s’i ka rezistuar dot as princi Harry, i cili pas llogarisë fallco në Facebook ka gjithashtu edhe një llogari fallco në Instagram.
Sipas reporterëve Omid Scobie and Carolyn Durand, të librit “Finding Freedom”, që po publikohet pjesë-pjesë nga The Times, Harry kishte një llogari sekrete, emri i së cilës është i miksuar.
Sipas tyre, Harry e vendosi emrin e llogarisë duke u frymëzuar nga DJ i preferuar, Deadmau5 dhe emri që dikur përdorte në Facebook për të fshehur identitetin, Spike Wells.
Kështu, emri i llogarisë së tij sekrete në Instagram rezultoi @SpikeyMau5.
Madje sipas reporterëve, Meghan Markle nisi të ndiqte @SpikeyMau5 pas takimeve të para me të.
Epo, të gjithë do të hapnin një adresë sekrete në të njëjtat kushte, apo jo?
