Disa javë më parë, Noizy solli super bashkëpunimin me dy reperët e njohur Gzuz dhe Dutchavelli, të titulluar “All dem talk” që rezultoi një sukses i vërtetë.
Reepri na premtoi surpriza të mëdha dhe ka ardhur koha t’i japim të drejtë. Ai ka publikuar së fundmi këngën e re për të cilën na kishte paralajmëruar disa javë më përpara dhe qenka flakë.
Ndryshe nga sa jemi mësuar ta shohim reperin, me këtë projekt ai vjen ndryshe, duke i kënduar dashurisë. “Digital love” titullohet kënga dhe flet për një histori romantike tipike të ditëve të sotme, të varur nga teknologjia, që është kanali i vetëm i komunikimit, ku edhe përjetohen emocionet dhe ulje-ngritjet e një marrëdhënie.
Skenat e klipit janë xhiruar në një ambient mjaft veror teksa ka tërhequr vëmendjen edhe protagonistja e klipit, që është Tea Zhuli, ish-banorja e Big Brother Albania 8.
Kënga deri tani ka marrë komente tepër pozitive dhe pritet të na shoqërojë përgjatë gjithë verës.
