Pas një kërkese drejtuar gjigantit amerikan ‘Apple’ për të vendosur Kosovën në hartë, Dua Lipa e gjeti veten në qendër të një debati pas publikimit të hartës që reklamon “Shqipërinë e Madhe” me mbishkrimin ‘Autochthonous’.
https://www.instagram.com/p/CC1bN9Wsx1a/?utm_source=ig_web_copy_link
Mediat serbe nisën menjëherë artikujt kundër këngëtares shqiptare, madje duke i ndryshuar edhe emrin me qëllim fyerje, duke e quajtur Dui Lipi. Këngëtare të shumta serbe publikuan reagime kundër Duas, duke deklaruar se “këngëtarja shqiptare po nxiste urrejtje” apo se “vetë Dua e di shumë mirë që Kosova është zemra e Serbisë”.
Kishte edhe komente nga artiste serbe që i kërkonin Duas që të mos fliste për Kosovën e pavarur për shkak se nxiste urrejtje pasi “Kosova nuk do të jetë kurrë e pavarur, por gjithnjë pjesë e Serbisë”.
Regjisori serb, i cili ka ndikim të madh në mediumet serbe, Boris Malagurski, ka krijuar hashtagun “canceldualipa”, kurse Russia Today ka thënë se “Fansat nuk e dinë nëse duhet ta anulojnë #dualipa, pasi ajo dërgoi një cicërimë misterioze nacionaliste”.
Mes atyre që kanë sulmuar Dua Lipën publikisht është këngëtarja serbe, e njohur si Ceca, përkatësisht e veja e kriminelit Arkan.
Po nëpërmjet një postimi në Instagram, Dua sqaroi se publikimi i hartës nuk kishte për qëllim të nxiste urrejtje. Vetë Dua pranon se publikimi i hartës së “Shqipërisë së Madhe” ishte emocional dhe i ndikuar nga fakti që përballet çdo ditë me rezistencën për të promovuar një kulturë autentike kosovare.
https://www.instagram.com/p/CC6fXB_sLz3/?utm_source=ig_web_copy_link
Pas bujës së shkaktuar dhe fyerjeve që i janë bërë prej serbëve, nesër në Prishtinë, do të organizohet një aktivitet simbolik në përkrahje të Duas.
Në këtë aktivitet do të marrin pjesë edhe personalitete nga bota e artit me moton “Save Dua!”, teksa është hapur edhe një faqe e facebookut për këtë, shkruan “Telegrafi.com”.
Momentalisht nuk ende detaje rreth orës dhe vendit fiks ku do mbahet aktiviteti.
