Ellen DeGeneres është një ndër figurat më të njohura dhe të dashura të ekranit, e cila ka fituar zemrat e publikut dhe popullariteti i saj është i madh.
Në momentin që mendonim se nuk ka asgjë që nuk shkon me të, të shumtë ishin personat që e akuzuan dhe thanë për të që ajo në të vërtetë nuk është aq e dashur dhe e sjellshme siç paraqitet në ekran.
Kështu ka ndodhur sërish së fundmi pasi, punonjësit e tanishëm dhe të dikurshëm të emisionit të saj thonë se janë përballur me racizëm, frikë dhe kërcënim.
“Ajo ‘ji i sjellshëm’ ndodh vetëm kur ndizen kamerat. E gjitha është vetëm për shfaqjen. E di që u japin para njerëzve dhe i ndihmojnë, por e gjitha është për t’u dukur”, thotë një prej ish-punonjësve.
Një punonjës aktual dhe 10 ish-punonjës të emisionit “The Ellen DeGeneres Show” treguan në një intervistë për “BuzzFeed” se ekziston një “kulturë toksike e punës” në prapaskenë.
“Nëse ajo dëshiron të ketë shfaqjen e saj dhe të ketë emrin e saj në shfaqje, duhet të përfshihet më shumë për të parë se çfarë po ndodh. Mendoj se prodhuesit ekzekutivë i thonë asaj se: ‘Gjërat po shkojnë mirë, të gjithë janë të lumtur’, dhe ajo thjesht e beson, por është përgjegjësia e saj të shkojë përtej kësaj”.
Punonjësit thonë se janë pushuar nga puna pasi kanë marrë leje për probleme shëndetësore ose për raste vakie për familjarët.
Nga ana tjetër, një punonjës tjetër ka thënë
“Njerëzit përqendrohen në thashethemet se sa e ligë është Ellen, por nuk është ky problemi. Çështja është që këta tre prodhues ekzekutivë që drejtojnë shfaqjen, të cilët janë përgjegjës për të gjithë këta njerëz dhe po tregojnë këtë frymën e bullizmit dhe të qenit negativë. Ata mendojnë se të gjithë ata që punojnë në The Ellen Show kanë fatin të punojnë atje – ‘Kështu që nëse ke një problem, duhet të largoheni sepse ne do të punësojmë dikë tjetër sepse të gjithë duan të punojnë këtu”.
Proudcentën e emisionit Ed Glavin, Mary Connelly dhe Andy Lassner kanë reaguar për E! News duke u shprehur se po i marrin këto pretendime shumë seriozisht dhe ju vjen shumë keq nëse dikush ka patur një eksperiencë negative. Ata shtojnë me tej se do mundohen të bëjnë më mirë për të qenë një familje e madhe.
Në muajin maj “Us Weekly”, shkroi se moderatorja e njohur është e lodhur me të gjitha këto komente. Burime pranë saj për “Us Weekly” thanë se Ellen mendon që e gjithë kjo gjë është bërë nga njerëzit që e urrejnë atë.
Vlen të theksojmë se Ellen deri më tani as nuk i ka mohuar as nuk i ka pohuar këto zëra në mënyrë të drejtpërdrejtë.
Burimet pranë “Us Weekly” kanë shtuar se Ellen nuk po shqetësohet aspak për këto komente dhe është e bindur që nuk do ndikojnë tek mendimet e njerëzve të tjerë, sepse ka qenë për shumë vite në televizion.
Pra, nëse menduat se Ellen do të mërzitet me fjalët që kanë dalë për të, e keni menduar gabim. Ajo do të vazhdojë të shfaqet në emision pa i komentuar këto fjalë në lidhje me të dhe do të vazhdojë po njësoj e qeshur.
Por sesi qëndron e vërteta, këtë nuk dimë ende ta themi me siguri.
